СМЕТКОВОДСТВО: ШТО Е, КАДЕ СЕ КОРИСТИ И ЗОШТО Е ПОТРЕБНО

Што е сметководство?

Сметководството е најчесто познато како јазик на бизнисот, па секое претпријатие без оглед на видот и големината, се наслонува на сметководството поради ефективно и ефикасно одлучување. Појавата негова датира многу одамна, која како главна причина за развој на сметководството историчарите сметат дека произлегува од потребата за евидентирање на трговските трансакции. Со текот на времето сметководството се развива и менува прилагодувајќи се на потребите за практично решавање на проблемите. Денес татко на сметководството и книговодство се смета Фра Лука Бартоломео де Пачиоли и тој е првиот што објавил дело за двојниот систем на книговодство.

Сметководството е научно изграден систем за непрекинато, целосно, документирано и взаемно поврзено информирање, кој располага со специјална методологија на дејноста на секоја стопанска структура со цел осигурување на неопходната информација за нејзино ефективно управување во правец на дефинираните цели. Тоа претставува систем кој го покрива планирањето на рентабилноста, тековите на ликвидноста, финансиски структури и инвестиционите вложувања.

Зошто сметководство и каде се користи? 

Сметководството е наменто за потребите на корисниците, како основачите, менаџерите, акционерите и сл. Менаџментот на компанијата ги користи информациите во форма на финансиски извештаи кои ја прикажуваат состојбата на капиталот во однос на економските ресурси, за да ја добие вистинската слика за состојбата на самата компанија. Тоа им овозможуваат на работодавачите на компании да планираат и контролираат финансиско работење и трансакции, да ја анализираат економската состојба на организацијата или компанијата со цел да донесат соодветни деловни одлуки. Додека оваа информација им помага на државните органи во одредувањето на износот на данокот што компанијата треба да го плати кон државата.

Сметководството се дели на:

• Менаџерско (управувачко) смеководство
• Сметководство на трошоци
• Финансиско сметководство 

Една компанија може сметководството да го води внатрешно или надворешно. Во првиот случај се вработуваат лица кои се експерти и сертифицирани за вршење на оваа дејност. Во вториот случај, компанијата плаќа за надворешни услуги од друга компанија која има свој тим и специјализира во опслужување на компании кои имаат токму вакви потреби. За која и опција да се одлучи компанијата, познавањето на сметководството од страна на сопственикот и менаџментот, е од клучно значење за идните перформанси на истата. 

Потребно е секој кој има сопствен бизнис, е во менаџментот на некоја компанија или сака да работи во оваа индустрија, да има знаење од основите на сметководството. Бенефитите се многубројни, вклучивајќи го знаењето за:

• евиденција на тошоци 
• евиденција на средства и пресметка на амортизација
• Евиденција  на залиха
• изготвување на годишни сметки
• изготвување месечни извештаи за работењето
• изготвување на контен план

Токму затоа, пријави се на курсот за сметководство огранизирано од страна на SourceMX Academy преку кое ќе научите како да работите, книжите и да ја разбирате сметководствената документација, да ја согледате поврзаноста меѓу финансиските извештаи и книговодството. Курсот е наменет за менаџери, сопственици, студенти од економски факултет и за сите кои сакаат теоретски и практично да научат сметководство.