Што е WordPress и каде се користи?
Дали можеби некогаш сте размислувале да зачекорите во светот на креирањето веб страници и да се надоградувате во тоа поле? Ако одговорот е да на ова прашање, најверојатно WordPress е платформата на која треба да обратите внимание.
Денес постојат многу причини за тоа да имате своја веб страница, па независно дали планирате да дејствувате како блогери, претприемачи, писатели, едукатори, хуманитарци, невладина или пак владина организација потребата од развој за веб страница доаѓа до израз.
WordPress се користи од голем број луѓе од целиот свет, па сега вие ќе имате можност да дознаете нешто повеќе во врска со основните работи на WordPress кои може да ве инспирираат и мотивираат понатаму!
Што е WordPress?
Пред многу години WordPress бил наменет само како алатка со која можете да креирате едноставен блог, а не некои големи веб страници како што можеме да го видиме тоа денес.
WordPress е платформа со отворен код што ви овозможува лесно организирање, уредување и објавување содржини преку интернет. Преку оваа платформа со отворен код можете да креирате добри веб страници, презентации, блогови или онлајн продавници. Се карактеризира со прекрасен дизајн, моќни функции и способност да креирате страница според вашата идеја. Неговата основна карактеристика е тоа што има многу едноставна и брза инсталација, но и бројни додатоци достапни за корисниците.
Друго што привлекува внимаение е дека преку 42% од веб страниците на интернет се изградени со помош на WordPress. Ако го погледнеме WordPress во техничка смисла, тоа е бесплатен систем за управување со содржина (CMS) лиценциран од GPLv2, што значи дека секој може да го користи целосно бесплатно и да работи на него што сака. Единственото нешто за кое ќе треба да платите е хостинг и регистрација на домен. Она што е исто така фасцинантно кога зборуваме за WordPress е тоа што таму можете да најдете милион бесплатни теми и додатоци за блогови што ќе направи да се издвојува од останатите.
Како работи WordPress?
WordPress работи со инсталирање на веб сервер. Можете сами да поставите веб сервер или преку провајдер на веб хостинг. Поголем број од луѓето се одлучуваат за второто. Веб серверот е ваш дел од интернетот, место каде што се наоѓаат датотеките и податоците на вашата веб страница. До нив може да пристапи секој, секаде и во секое време. WordPress ги структурира овие податоци на начин кој е лесен за управување. Тоа е посредник помеѓу вас и сложениот свет на веб развој. Обезбедува шаблони за изглед и структурирана рамка за позадина за управување со содржина.
Каде се користи WordPress ?
WordPress е доверлив, безбеден, релативно лесен за користење, со голем број решенија за различни веб потреби и лесно достапна корисничка поддршка. Денес WordPress не служи само за изградба на блогови, туку успешно се користи за да работи на неколку типови страници како што се:
- онлајн продавница
- бизнис веб страници
- форуми
- социјална мрежа
- едукативни страници (е-учење)
- веб страница со подкаст
- веб страница за членство
- веб страница за управување со настани, и слично.
Бенефити од WordPress
- Бесплатен и слободен
Дефинитивно една од најголемите придобивки на WordPress е тоа што е потполно бесплатен за користење за разлика од некои други компании кои ќе ви наплаќаат за нивните услуги, а притоа не се толку квалитетни како WordPress. Ако одлучите да го креирате вашиот блог или веб страница, ќе плаќате само за хостинг каде што ќе го хостирате вашиот блог и за WordPress нема да платите ништо.
- Open – source
WordPress е софтвер со отворен код кој овозможува дизајнирање и одржување на веб страници. Отворен код значи дека секој може да придонесе за WordPress со додавање на сопствен код (plug-in), што може да го подобри софтверот.
- Лесен за користење
Не мора да сте професионален веб дизајнер за да креирате веб страница, па дури и почетник може да создаде функционална страна. WordPress има многу напредни карактеристики и е многу едноставен. Додавате содржина и управувате со вашата веб страница на многу едноставен начин. Напредните функции, се разбира, секогаш бараат дополнително знаење.
- Проширлив
Нема потреба да имате искуство со кодирање за да го разубавите вашиот блог или веб страница, благодарение на WordPress тој нуди безброј додатоци за да го промените изгледот на вашиот блог со неколку кликнувања.
Постојат теми – ова првенствено се користи за промена на изгледот (позадината) на вашиот блог и
приклучоци – приклучоците првенствено помагаат да функционира вашиот блог, на пример, можете да додадете форма за контакт на вашиот блог или можете да инсталирате приклучок за онлајн продавница.
- Флексибилен
Важно е тоа што можете да го користите WordPress за да креирате секаков вид блог или веб страница. Ако сакате да додадете форум на вашиот блог, само инсталирајте бесплатен приклучок наречен додаток bbPress. ако сакате да додадете социјална мрежа, само инсталирајте го приклучокот BuddyPress. Поентата е дека постојат додатоци за апсолутно се, можете да го инсталирате било кој додаток што само ќе го подобри изгледот и функцијата на вашиот блог. Има голема база на податоци со теми на WordPress, но има и многу додатоци кои што овозможувате поголема функционалност.
WordPress е дефинитивно број еден платформа за креирање на сите видови веб страници од презентации на компании, производи или услуги до создавање професионални онлајн продавници и слично. Доаѓа со голем број алатки, приклучоци и теми / шаблони за веб страници. Откако ќе го научите WodPress, можете да креирате сопствена веб страница, портфолио или да работите како хонорарци на многу платформи и на тој начин да заработите пари за креирање на веб страници.
Доколку и вие сакате да станете дел од големиот број на корисници на WordPress и да изградите сопствена модерна веб страница, пријавете се на курсот за WordPress кој ќе одржи на 1-ви ноември.
