10 Најдобри Twitter профили за Blockchain кои мора да ги следите во 2022

Нема коментари

Blockchain технологијата добива се поголема популарност поради безбедноста што ја нуди, како и многу други предности. Бизнисите ја сфатија важноста и вредноста на Blockchain технологијата и се очекува пазарот за истата експоненцијално да расте во наредните години. 

Со самото напредување на оваа технологија се претпоставува дека истата ќе претставува иднина на деловните апликации. Поради претходно наведената причина, сопствениците на бизниси и самите компании за развој на апликации мораат постојано да бидат ажурирани за случувањата што се случуваат во Blockchain светот.

За да бидете во постојан допир со новите случувања на Blockchain технологијата ширум светот, најлесниот начин е да ги следите Twitter профилите на самите Blockchain експерти, како и организациите кои помагаат при развивање на самата технологија.

Во оваа објава ќе ги споделиме едни од најдобрите Twitter профили за следење во посед на компании кои директно работат со технологијата како и разни експерти и инфлуенсери во крипто светот.

1. @blockchain

Blockchain.com е местото каде што можете да ги добиете сите најнови информации поврзани со Blockchain; 

@blockchain е официјален Twitter профил на blockchain.com и има повеќе од 1.300.000 следбеници.

Следејќи ја оваа страна може да ги добивате најновите вести поврзани со Blockchain технологијата, криптовалути итн. Овде се достапни и најновите информации и цени за тргувањето со криптовалути.

Споделуваат и линкови до бројни ресурси поврзани со Blockchain кои можат да бидат корисни за оние кои сакаат да научат за самата Blockchain технологија, но и за самите криптовалути и како да инвестираат во истите.

2. @IBMBlockchain

@IBMBlockchain е официјален Twitter профил на платформата IBM Blockchain. Оваа страна претставува уште еден одличен ресурс на информации за Blockchain технологијата. Овде се споделуваат сите информации кои се додаваат во Blockchain делот на самата веб-страница на компанијата.

Оваа страна, која има повеќе од 83.000 следбеници, е една од најкористните и најважните за следење доколку сакате да научите за самиот Blockchain , но и да ги добивате најновите вести и ажурирања за истиот.

На веб-страницата на компанијата, како и на Twitter профилот на истата се споделуваат сите новости за Blockchain, неговата употреба во различни индустрии, најновите вести и настани поврзани со самиот Blockchain.

Следејќи ја страната, стекнувате изложеност на различни разговори, приказни и мислења исполнети со информации и знаења за самата Blockchain заедница.

3. @coindesk

CoinDesk е светски лидер во Bitcoin, крипто и самата Blockchain технологија. Twitter профилот на @coindesk како и самиот веб-сајт ви ги нудат најновите вести, цени, графи и водичи, и анализи поврзани со криптовалутите и самиот крипто маркет.

Следејќи ја оваа страна ќе ви помогне да останете информирани за светот на криптовалутите и да се ослободите од митовите поврзани со самите крипто валути како и дезинформациите кои ги следат.

Овoj Twitter профил кој има повеќе од 2.700.000 следбеници, ги споделува сите информации кои ги има на нивната веб-страница, како и дневни ажурирања и анализи за двете најголеми валути на крипто пазарот, Bitcoin и Etherеum. Сите тие информации претставуваат голема предност и се од голема помош на самите трговци на тие криптовалути. 

4.  @100trillionUSD

Twitter профилот на PlanB, @100trillionUSD има повеќе од 1.700.000 следбеници. Toj e анонимен профил кој стана познат по stock-to-flow економскиот модел поврзан со Bitcoin.

Тие се главен поборник за користење на еластичноста на побарувачката и понудата на самиот Bitcoin и поректирање на идната пазарна вредност.

На нивниот веб-сајт има огромен број на артикли поврзани со анализи на крипто маркетот поврзани со самиот Bitcoin, како и проекции и идни предвидувања.

Исто така ќе пронајдете доста голем број на подкасти од највлијателните луѓе во крипто светот, каде зборуваат за нивните искуства и опфаќаат огромен спектар на разновидни теми. На самиот Twitter профил се споделуваат сите новости кои се ажурираат на нивниот веб-сајт и затоа претставува еден од  профилите кои мора да се заследат.

5. @hackernoon

@hackernoon е еден од најдобрите блогови за Blockchain технологијата, криптовалути и приказни поврзани со истите. На нивната веб-страница има посебен дел наречен “криптовалути” каде може да најдете огромен број на податоци поврзани со самиот Blockchain .

Таму се споделуваат интересни вести поврзани со криптовалутите и Blockchain од целиот свет. Дневно ги ажурираат нивните следбеници со сите вести поврзани за Blockchain . Може да се најдат и доста интересни и корисни статистики поврзани со Blockchain и крипотвалутите, вклучувајќи ги и цените на крипто маркетот.

Следејќи го нивниот Twitter профил, кој има повеќе од 72.000 следбеници, може да се здобиете со информации за најдобрите програми и курсеви поврзани со Blockchain технологијата кои се одржуваат на светско ниво.  

6. @VitalikButerin

Vitalik Buterin, основачот на Ethereum е познат и по неговите писателски способности. Иако не објавува многу често, тој е доста активен на Twitter. Vitalik е страствен кога станува збор за Ethereum и други проекти поврзани со Blockchain технологијата.

На неговиот Twitter профил се споделуваат интересни коментари, прегледи, артикли и други ресурси поврзани со крипто и Blockchain светот.

Неговите 3.500.000 следбеници секојдневно може да добијат увид на еден од највизионерските умови во индустријата за криптовалути и Blockchain технологијата.

7. @APompliano

Anthony Pompiliano е познат крипто инвеститор и еден од основачите на Morgan Creek Digital, инвестициска фирма која обезбедува пристап до Blockchain технологија за институционални клиенти и The Pomp Podcast, подкаст каде споделува увид во светот на блоклејн технологијата и ги споредува придобивките на Bitcoin со моменталната состојба на FED ( Federal Reserve Board ). 

Освен по информативните твитови за самата технологија тој стана познат и по своите “Week in Crypto” и “Long bitcoin, short the bankers” твитови.

Неговиот профил го следат повеќе од 1.500.000 следбеници и ви овозможува увид во светот на еден од пионерите на Blockchain технологијата и криптовалути.

8. @cz_binance

Changpeng Zao е основач и CEO на Binance. По неговото заминување од OKCoin во 2017 година, тој ја лансираше Binance, и за помалку од осум месеци, компанијата стана најголема платформа за размена на криптовалути во светот.

Неговиот профил го следат повеќе од 5.400.000 следбеници каде постојано споделува мислења за самиот крипто маркет, најнови вести и постојано ажурира за новостите во својата компанија. 

Тој е еден од поддржувачите за регулација на крипто индустријата, затоа што луѓето кои сè уште не го присвоиле крипто светот како дел од нивното секојдневие, се оние кои најмногу ќе го поддржуваат кога би имал повеќе регулација и структура.

9. @aantonop 

Andreas Antonopoulos е еден од најпознатите адвокати за Bitcoin и автор на повеќе книги, како The Internet of Money, Mastering Bitcoin која е една од најдобрите водичи за техничката страна на Bitcoin. Има напишано книга со сличен контекст и за Ethereum под наслов Mastering Ethereum. Тој стана доста познат во 2017 година кога крипто друштвото му донираше 100 Bitcoin-и со вкупна вредност над 100 милиони долари, заблагодарувајќи му се за неговиот придонес.

Тој е водител и организатор на неверојатен подкаст Lets Talk Bitcoin и има свој YouTube канал aantonop кој е полн со корисни информации.

Неговиот Twitter профил го следат повеќе од 720.000 профили каде споделува огромен број на корисни информации поврзани со Bitcoin и крипто светот.

10. @rogerkver

Roger Ver кој е познат како еден од првите инвеститори во стартапи како Bitcoin.com и Blockchain.com. Тој е еден од првите претприемачи кои ги прифатија криптовалутите како начин на плаќање и благодарение на тоа собра над 400.000 Bitcoin-и.

Неговиот Twitter профил го следат повеќе од 740.000 следбеници и претставува простор каде се објавуваат голем број на корисни информации поврзани со Bitcoin и Bitcoin Cash, на кои тој е огромен поддржувач.

Интересен факт за него е дека го нарекуваат “The Jesus of Bitcoin”, бидејќи дејстувал како евангелист во име на криптовалутите.

Со самото растење на крипто светот и зголемениот број на инвестиции, дневно се шират голем број на информации поврзани со самата технологија и берзите поврзани со криптовалутите.

Со тоа секојдневно се зголемува бројот на инфлуенсери и експерти кои споделуваат вредни информации и вести поврзани со крипто светот. За жал, не можеме да ви ги споделиме сите експерти во тој свет, но затоа сметаме дека десетте Twitter профили спомнати во оваа објава се едни од најкорисните и со најверодостојните информации.

Се надеваме дека овој пост ви беше од помош, и дека ви ја отвори вратата за навлегување во крипто светот и самата Blockchain технологија.

Доколку сакате да научите како да работите со blockchain технологијата, како да пишувате код во програмскиот јазик Solidity и како да го креирате вашиот прв Smart Contract, пријавете се на курсот за  Blockchain Development.