Student Experience – Татјана Тренчиќ – учесничка на Data Analysis Academy

Работата со големо количество податоци често покажува дека информациите можат подобро да се поврзат, систематизираат и анализираат. Но за тоа се потребни практично знаење, соодветни алатки и аналитички начин на размислување.

Токму потребата поефикасно да работи со податоци ја мотивираше Татјана Тренчиќ да се запише на Data Analysis Academy.

Преку практични задачи и работа со Excel, SQL, Power BI и Python, таа научи како различните алатки можат да се поврзат и да се применат во реални ситуации.

Во продолжение прочитајте го нејзиното искуство.

1. Какво беше вашето искуство со Data Analysis Academy и што ви остави најголем впечаток?

Моето искуство со Data Analysis Academy беше многу позитивно.

Најмногу ми се допадна практичниот пристап и тоа што преку Excel, SQL, Power BI и Python имавме можност да научиме како различните алатки се користат во реални ситуации.

Посебен впечаток ми остави тоа колку знаењето од различни области може да се поврзе и примени при конкретна анализа на податоци.

2. Што ве мотивираше да се пријавите и дали обуката ги исполни вашите очекувања?

Во досегашната работа често работев со големо количество податоци и бев свесна дека тие можат да се поврзат и систематизираат на поефикасен начин.

Сепак, ми недостигаше практично знаење и искуство во користењето конкретни алатки што би ми го овозможиле тоа. Ова беше главната мотивација да се пријавам на програмата.

Обуката ги исполни моите очекувања, пред сè затоа што беше насочена кон практична работа. Во текот на часовите работевме на бројни задачи и видовме како конкретните алатки можат да се применат во реални ситуации.

3. Кои знаења и вештини ги сметате за најкорисни?

Како најкорисна ја сметам комбинацијата од знаења во Excel, SQL и Power BI.

Овие алатки обезбедуваат добра основа за работа со податоци – од нивно средување и анализа до визуализација и презентирање на резултатите.

Python ми беше особено значаен бидејќи ми покажа како процесот на анализа може дополнително да се автоматизира и унапреди.

4. Што би им порачале на луѓето кои размислуваат да се пријават?

Знаењето од областа на анализата и работата со податоци денес е многу барано во различни области од работењето и не е поврзано само со една конкретна индустрија.

Поради тоа, сметам дека знаењето стекнато во текот на обуката е многу корисно и широко применливо.

Со добра мотивација и континуитет во работата, програмата може да биде одлична основа за понатамошен развој и важен чекор напред во кариерата.

Искуството на Татјана покажува дека знаењето од Data Analysis може да биде корисно и за луѓе кои веќе работат со податоци, но сакаат тоа да го прават поструктурирано и поефикасно.

Преку практичната работа со Excel, SQL, Power BI и Python, таа добила подобра основа за средување, анализа, визуализација и презентирање податоци.

Сакате и вие подобро да ги поврзувате, анализирате и презентирате податоците?

Разгледајте ја програмата и дознајте повеќе за модулите, начинот на следење и пријавувањето.

📖 Повеќе информации за програмата и пријава: https://data-analiza.smx.mk/