Самоизолација: 3 идеи како да го исполните времето периодов

Во летото 1830 година, прославениот француски писател Виктор Иго се наоѓал пред невозможен рок. Само 12 месеци претходно тој му имал ветено на својот издавач дека ќе напише нова книга. 

Сепак, наместо да пишува тој своето време го поминувал работејќи на други проекти, забавувајќи гости секоја ноќ во својот отмен дом и одложувајќи го пишувањето. Неговиот издавач веќе при крај со своето трпение му задал последен рок од 6 месеци. Книгата морала да биде завршена во февруари 1831 година. 

Иго скроил многу необичен план за да стави крај на своето одложување. Тој ги собрал сите свои алишта и побарал од неговиот асистент да ги затвори и сокрие во голем ковчег. Не му останало ништо друго што да носи освен еден голем шал.

Со тоа што немал воопшто што да носи кога ќе излезе од домот, тој останал дома и пишувал 6 месеци без да излегува. На крај, едно од неговите попознати дела “Богородичната црква во Париз”била издадена две недели пред крајниот рок. 

Во моментот кога Виктор Иго ги сокрил своите алишта за да се фокусира на своето наредно успешно дело, тој свесно одлучувал да се посвети комплетно на “болната” сегашност со цел да има подобра иднина. 

COVID-19, исто така познат како Корона Вирус, во моментов има драстични ефекти насекаде во светот – затоа многу луѓе утехата ја бараат во пронаоѓање на позитивни врски помеѓу самоизолација и успешни приказни постигнати токму во “карантин”.

Додека Виктор Иго бил во своевидна социјална дистанца и доброволен карантин, Вилијам Шекспир во текот на својот целокупен живот има преживеано неколку пандемии во карантин создавајќи едни од најпознатите дела во минатото и денешницата. 

Додека чекал театрите да отворат затоа што често затварале кога имало на повидок нова опасна болест која му се заканувала на човештвото, тој своето време го користил продуктивно пишувајќи нови дела на кои што луѓето ќе се радуваат во моментот кога театрите повторно ќе отворат.

Сега ако и вие успеете, откако не доброволно ви беа одземени 80% од дистракциите да замислите барем една работа која сакате да ја имате, направите или знаете во иднина, тогаш буквално сега е моментот кога би немале никаков изговор и би успеале да се држите до добрите навики и да создадете ритуал што ќе ве однесе до целта.

Секој момент кој е поминат во средина на извршување на одредена обврска е вообичаено многу полесен отколку момент поминат одложувајќи ја работата или каејќи се работи кои сте можеле да ги направите, а залудно сте го изгубиле времето.