5 Најчести Грешки На Почетници Во Рекламирање На Facebook & Instagram
Научи како правилно да ги водиш профилите на социјалните мрежи и како да креираш профитабилни реклами на курсот за FB & IG Marketing во SMX.
Во ерата на дигиталниот маркетинг, Facebook и Instagram се две од најпопуларните платформи за рекламирање. Со милијарди активни корисници, овие платформи нудат огромен потенцијал за брендови и бизниси да се појават пред својата таргет публика. Сепак, со толку многу конкуренција, исклучително е важно да се избегнат одредени грешки за максимално искористување на овие алатки.
Затоа, денес издвоивме пет најчести грешки кои почетниците ги прават при рекламирање на Facebook и Instagram.
Игнорирање и невнимание со квалитетот на дизајнот и видеата
Многу често, како почетници го занемаруваме делот со квалитетот на нашата реклама, особено за видуелниот дел. Сликите и видеата се сржта на успешните реклами на Facebook и Instagram. Визуелните елементи треба да бидат привлечни и релевантни за пораката што сакате да ја испратите. Почетниците често го занемаруваат значењето на квалитетниот визуелен впечато и употребуваат нискоквалитетни или нерелевантни слики, што може значително да ги намали шансите за успех на кампањата.
Ограничен буџет распределен на многу реклами
Распределувањето на ограничен буџет на преголем број на кампањи или реклами може да доведе до недостаток на значајни резултати во било која област. Пофокусираниот пристап, каде буџетот се концентрира на неколку клучни области, често е повеќе ефективен. Како почетници, не сме сигурни каде да се потроши буџетот и затоа одиме на опцијата малиот буџет да се троши на повеќе места, што може да го забави алгоритамот и да не даде позитивни резултати.
Игнорирање на аналитиката
Рекламирањето на Facebook и Instagram нуди детална аналитика која ви овозможува да ги следите перформансите на вашите реклами. Не користењето на овие податоци за да се направат промени и оптимизации е значаен пропуст. Анализата на перформансите ви помага да ги идентификувате силните и слабите страни на вашата стратегија и да правите информирани одлуки за подобрување на идните кампањи.
Премногу комплексно таргетирање
На самите почетоци на Facebook & Instagram рекламирањето уште пред 10 години, моќта на рекламирањето беше во избирањето што подобри интереси на кампањата. Опциите беа навистина обемни, со можност за таргетирање на многу интереси, навики и преференци. Ова наметна начин на рекламирање кој се водеше според комплексно таргетирање и многу често маркетерите ставаа што повеќе интереси во кампањите.
Но, со последните измени од Meta, интересите играат се помалку улога, така што почетниците се уште одат на опција да користат многу интереси што ги лимитира рекламите.
Текст напишан како објава, а не напишан за реклама и понуда
Кога ја креираме рекламата, доаѓаме до делот за пишување на текст или ad copy. Многу почетници овде пишуваат текст наменет за објава, а не за реклама. Што значи ова? Се пишува кратко објаснување за производот, нема јасна насока за како да се направи нарачка или да се контактира, односно многу често недостасува повик кон акција (CTA). Поради тоа, рекламата циркулира, корисниците ја забележуваат, може и да реагираат односно да имаат интеракција со рекламата, но не продолжуваат кон чекор на нарачка бидејќи немаат јасно дефиниран чекор за тоа. Затоа, при пишувањето на текстот на рекламата треба особено да се внимава да биде разбирливо и со јасна насока за следни чекори.
Избегнувањето на овие грешки може значително да ја подобри ефикасноста на вашите реклами на Facebook и Instagram. Со постојано учење, тестирање и оптимизација, можете да создадете моќни кампањи кои резонираат со вашата публика и ја зголемуваат вашата онлајн присутност.