Трендови во Графичкиот дизајн за 2024 во Photoshop & Illustrator
Замислете свет каде вашите идеи не само што добиваат форма, туку оживуваат со живописни бои, зрачат со елеганција и инспирираат со својата оригиналност. Во универзумот на графичкиот дизајн, Adobe Photoshop и Illustrator се вашите магични алатки кои ви помагаат да изградите мостови меѓу вашата креативност и реалноста.
Доколку сте на почетокот на вашето патување кон кариера во графичкиот дизајн, оваа 2024 година е полна со возбудливи можности кои чекаат да бидат истражени. За почетниците, овој период од дигиталниот развој нуди голема слобода за експериментирање со различни концепти, комбинирајќи вештачка интелигенција, носталгија, минимализа, ретро и винтиџ како и многу други актуелни ефекти и филтри.
Графичкиот дизајн е динамична област која постојано се развива, а трендовите се променливи од година во година. Во овој текст, ќе ги истражиме најновите трендови во графичкиот дизајн и како Photoshop и Illustrator може да се искористат за да се остварат овие концепти во 2024 година.
Тренд 1: AI Алатки
Интеграцијата на вештачката интелигенција и машинското учење во Photoshop и Illustrator отвора нови хоризонти за графичките дизајнери. Овие технологии овозможуваат автоматизација на одредени задачи, оптимизација на работниот процес и создавање на иновативни визуели кои би биле тешки или невозможни за реализација на традиционален начин.
Алатките за вештачка интелигенција се тука да им помогнат на дизајнерите да автоматизираат многу од нивните задачи како што се промена на големината на сликите, отстранување на позадината, корекција на боите или дури и создавање на нови пејзажи. Водечките софтверски апликации како Photoshop и Illustrator користат вештачка интелигенција во нивната работна средина за да го забрзаат работниот процес.
Еве како го прават тоа со алатка за вештачка интелигенција наречена Adobe Firefly:
За Photoshop: https://www.youtube.com/watch?v=IVTyLYupECI
За Illustrator: https://www.youtube.com/watch?v=6anR6nFUafU
Тренд 2: Насталгија – Враќање кон ретро и винтиџ
Носталгијата игра важна улога во графичкиот дизајн за 2024 година, со ренесанса на ретро и винтиџ елементи. Photoshop и Illustrator се идеални за рекреирање на овие стилови, овозможувајќи употреба на филтри и типографии кои ја одразуваат естетиката на минатите децении. Ова не само што ги привлекува постарите генерации со носталгија, туку и ги интригира помладите аудитории со винтиџ чар.
Прифаќањето и враќањето кон ретро вибрациите од 60-тите, 70-тите, 80-тите и 90-тите во 2024 година може да биде победнички потег во денешниот брз развој на технологијата и променливоста на дизајни.
Тренд 3: Истакнат Минимализам
Го знаете тоа чувство кога ќе видите дизајн и веднаш ве запира во место? Тоа е моќта на минимализмот, но во 2024 година, добива смело освежување во форма на инстакнат минимализам.
Замислете дизајни со чисти линии, смела типографија и многу простор. Станува збор за истакнување со само неколку избрани елементи. Најдобриот дел е што минимализмот не е само за тоа да изгледа добро – тој е исто така исклучително ефективен во пренесувањето на вашата порака, без разлика дали е во печатена форма или дигитално.
Следниот пат кога ќе дизајнирате нешто, запамтете: помалку е повеќе!
Тренд 4: 3D Дизајн
Во 2024 година, трендот на 3Д графички дизајн повторно ќе биде во центарот на вниманието, и она што го прави овој тренд особено забележителен е пристапноста што сега ја нуди, благодарение на алатки како функцијата “Inflate” на Adobe Illustrator, која беше лансирана само минатата година. Можеме да се согласиме дека еден тренд може да биде популарен само толку колку што дизајнери ја усовршиле вештината. Пред само неколку години, создавањето дури и на едноставен 3Д елемент беше резервирано за искусни 3Д дизајнери со професионален софтвер, но сега веќе е полесно пристапно и брзо за имплементирање.
Оваа година е возбудлива година за графичкиот дизајн, со трендови кои одразуваат широк спектар на технички, естетски и социјални промени. Photoshop и Illustrator продолжуваат да бидат неопходни алатки во арсеналот на секој графички дизајнер, овозможувајќи им да истражуваат, експериментираат и создаваат иновативни дела кои ги одразуваат овие динамични времиња.
Сите овие трендови ги покриваме во 3-месечниот буткамп за графички дизајн со Photoshop & Illustrator кој исто така фокус ќе има кон дизајнирањето за социјалните мрежи. Програмата е исполнета со корисни вежби, примери, посебно организирани работилници, како и 1 месец работа на реални проекти. Прочитај повеќе за Bootcamp за Графички дизајн.