Кои се придобивките од учење на Python како програмски јазик – направете чекор во вистинската насока

Побарувачката за Python како програмски јазик е во забрзан раст и во 2017 година според “Stack Overflow” беше прогласен за најбрзо растерчки програмски јазик. Денес претставува еден од најкористените програмски јазици на пазарот, и со самото тоа дневно се зголемуваат можностите на самите Python програмери. Што можеш да правиш со Python? Python ќе ги подобри вашите вештини и ќе ве направи поспособни на денешниот високо конкурентен пазар.

Лесно разбирлив

Како програмски јазик е неверојатно лесен и интересен за учење, и може да служи како отскочна даска во други програмски јазици. Ако сте апсолутен почетник и ова е вашиот прв пат да работите со кој било тип на јазик за кодирање, тоа е нешто што дефинитивно би го посакале. Python е во голема употреба, вклучувајќи и огромни корпорации како Google, Instagram, Pinterest, Disney, Yahoo и многу други. Синтаксата на самиот јазик за разлика од многу други јазици на пазарот е доста едноставна и лесна за учење.

Името го добил од Monty Python’s Flying Circus, па знаете дека неговиот креатор имал доста интерсна смлисла за хумор поради тоа го направил едноставен за користење. Pythон убаво се справува со сложеноста, a со тоа можете да се фокусирате на учење и придобивките од програмирањето на Python, а не на проблемите со ситните детали. 

Флексибилност

Не само што е лесен за совладување, тој е и доста флексибилен. Постојат повеќе од 125,000 Python библиотеки кој овозможуваат да се користи за машинско учење, веб процесирање па дури и за биологија. Исто така постојат голем број на библиотеки на податоци што го прават неверојатно способен за обработка, манипулирање и визуелизација на истите. Поради тој факт претставува еден од омилените јазици на дата аналитичарите и е познат како “Swiss Army Knife” на програмските јазици.

Употреба

Благодарение на карактеристиките на Python и неговата флексибинлост, може да го пронајдете во било која индустрија. Како на пример:

• Финансии и размена
• Научно и математичко пресметување
• Веб девелопирање
• Компјутерски графики
• Безбедност
• Девелопирање на игри
• Обработка на мапи

Тие се само од неколкуте употреби на Python како програмски јазик. Изборот останува ваш!

Огромна Python заедница

Има огромна база за поддршка благодарение на фактот што е со отворен код и има доста развиена заедница. Милиони програмери кои претставуваат  истомисленици работат со јазикот на дневна основа и продолжуваат да ја подобруваат неговата основна функционалност. Сето тоа претставува одличен начин за поврзување со други програмери и постојан раст на самата заедница.