Student Experience – Благица Трифуновска – учесничка на HR Bootcamp

HR не е само процес на вработување и администрација. Тоа е улога која бара знаење, емпатија, проценка на луѓе и способност да се создаде баланс помеѓу вработените и менаџментот.

Токму желбата подобро да ја разбере оваа улога ја мотивираше Благица Трифуновска да се приклучи на HR Bootcamp. Претходното искуство со договори и вработувања кај неа ја поттикнало желбата да стекне пошироки и попрактични знаења од областа на човечките ресурси.

Во продолжение прочитајте го нејзиното искуство.

1. Какво беше Вашето искуство со HR Bootcamp и што Ви остави најголем впечаток?

Благица смета дека HR Bootcamp нуди многу можности за учење, особено кога учесниците редовно ги следат предавањата и се посветуваат на практичните задачи.

Како еден од највредните делови од искуството ја издвојува посветеноста на менторите и нивниот пристап кон учесниците.

Поради работните обврски не секогаш била во можност да присуствува на сите предавања во живо, но снимените материјали ѝ овозможиле да продолжи со следење на програмата.

2. Што Ве мотивираше да се пријавите на програмата и дали обуката ги исполни Вашите очекувања?

Мотивацијата на Благица произлегла од нејзиното претходно работно искуство, каде што дел од обврските биле поврзани со HR, договори и вработувања.

Токму тоа ја поттикнало да навлезе подлабоко во областа и подобро да ја разбере целокупната HR улога.

Обуката во голем дел ги исполнила нејзините очекувања, а како предлог за дополнително подобрување на искуството го издвојува физичкото присуство на завршните полагања и можноста сертификатите да се добиваат и во физичка форма.

3. Кои знаења и вештини ги сметате за најкорисни?

За Благица, едни од највредните знаења се оние поврзани со тоа што навистина значи да се биде HR професионалец.

Покрај професионалното знаење, таа ги издвојува емпатијата, познавањето на правните аспекти, поддршката на вработените и проценката на кандидатите како важни делови од HR улогата.

Особено корисно за неа било учењето како да се процени дали одреден кандидат одговара на конкретна работна позиција.

4. Што би им порачале на оние кои размислуваат да се пријават?

Благица би им ја препорачала обуката на оние кои сакаат да стекнат практично и пошироко разбирање за HR професијата.

За неа, добриот HR не е само лидер, туку и водич и мост помеѓу вработените и менаџментот, кој помага да се создаде баланс неопходен за функционирањето на една организација.

Како што истакнува Благица, вредноста на обуката не е само во сертификатот:

„Кампот го плаќаш еднаш, но знаењето останува со тебе засекогаш. Тоа е инвестиција во себе која никогаш не губи вредност.“

Искуството на Благица покажува дека HR Bootcamp може да биде следниот чекор за оние кои веќе имале допир со HR процесите, но сакаат да стекнат пошироко знаење и подобро да ја разберат улогата на HR професионалецот.

👉 Дознај повеќе за HR Bootcamp и програмата:
https://hr.smx.mk/