Student Experience – Михаела Вучевска – учесничка на Bootcamp за Внатрешен дизајн
3D визуелизацијата и процесот на создавање ентериери отсекогаш ѝ биле интересни на Михаела, но сакала своите идеи да ги надгради со практични знаења и подобро разбирање на професионалните алатки. Преку Bootcamp програмата доби можност да работи на реални проекти, да развие креативен пристап и да стекне поголема сигурност во својата работа.
Во продолжение прочитајте како изгледало нејзиното искуство.
1. Каква беше вашата почетна точка и што ви остави најголем впечаток од програмата?
Започнав со основно познавање, но со голем интерес креативните идеи да ги претворам во реални 3D визуализации. Најголем впечаток ми остави тоа што програмата не ми помогна само технички да напредувам, туку и да размислувам покреативно при изработка на проекти. Со секоја нова задача добивав подобро разбирање за процесот и поголема слобода во креирањето.
2. Што ве поттикна да се запишете на програмата и кој беше главниот предизвик?
Работата на реални 3D проекти и можноста да научам како професионално се создаваат визуелизации беа главната причина поради која се запишав. Најголем предизвик ми беше трпението што е потребно за да се постигне добар и реалистичен резултат, особено при работа со детали и визуелни елементи. Но токму преку практичната работа научив колку е важна посветеноста.
3. Дали Bootcamp-от доведе до конкретни резултати кај вас?
Со сигурност можам да кажам дека стекнав многу поголема самодоверба. Денес сум посигурна во тоа што го работам и знам дека секоја идеја што ја имам можам визуелно да ја претставам во проект. Покрај практичните вештини, научив и како подобро да пристапувам кон процесот на дизајн и организација на проектите.
4. Што би им кажале на луѓето кои размислуваат да се запишат на оваа обука?
Би им рекла да си дадат шанса и да започнат. Со обуката не само што ќе стекнат практични вештини, искуство и самодоверба, туку ќе запознаат и луѓе кои се тука да ги поддржат и мотивираат. Ова е одлична можност за секој што сака својата креативност да ја претвори во нешто реално и професионално.
Приказната на Михаела покажува колку практичната работа и континуираното учење можат да помогнат некој да изгради сигурност и нови професионални вештини. Преку Bootcamp програмата таа успеа да ги развие своите идеи, да научи како професионално се создаваат 3D визуелизации и да направи важен чекор кон понатамошен развој во областа на внатрешниот дизајн.