Student Experience – Радмила Анѓелковска (HR Bootcamp)

Радмила Анѓелковска е вработена во локална самоуправа во Тетово, во секторот за човечки ресурси. Иако веќе работи во HR областа, чувствуваше дека ѝ недостигаат практично искуство, поголема сигурност и дополнителна надградба на знаењето. Преку HR Bootcamp-от во SMX Academy, доби можност да стекне нови практични HR вештини, да учи од искусни предавачи и учесници, но и да изгради нови познанства, самодоверба и професионална вредност преку меѓународно признаен сертификат.

Каква беше вашата почетна точка и што ви остави најголем впечаток од програмата?

Вработена сум во локална самоуправа во Тетово, токму во секторот за човечки ресурси, но немав доволно искуство. На почетокот од Bootcamp-от не ми беше јасно како ќе се одвиваат предавањата, вежбите и домашните задачи, ниту како ќе успеам да ги вклопам со работата. Буквално бев збунета и си мислев: „Како ќе постигнам сè?“, но денес воопшто не се каам што се запишав на Bootcamp-от.

Најголем впечаток од програмата ми оставаат групните вежби. Преку нив не само што работиме, туку и се дружиме, а тоа многу ми помага. Во групата има учесници со поголемо искуство од мене, па покрај предавачите, учам многу и од нив.

Што ве поттикна да се запишете на програмата и кој беше главниот предизвик?

Искрено, програмата ми се појави како sponsored објава на Instagram и веднаш ме заинтересира, бидејќи сум во период кога сакам надградба на моето знаење и кариера.

Главен предизвик ми е организацијата на времето и како да постигнам сè паралелно со работата, но со текот на времето успевам успешно да се вклопам.

Дали Bootcamp-от доведе до конкретни резултати кај вас?

Да, Bootcamp-от ми помага да стекнам нови практични вештини и поголема сигурност. Воедно, многу ми го унапредува знаењето во областа на HR, а тоа сметам дека е особено корисно и применливо во работењето и функционирањето на една локална самоуправа.

Што би им кажале на луѓе кои размислуваат да се запишат на оваа обука?

Обуката нуди одлична основа и практично знаење за HR – од регрутација и селекција, до комуникација со вработени и организациски процеси. Предавачите се посветени и секогаш подготвени да помогнат.

Јас стекнувам конкретни HR вештини и поголема самодоверба, што ми помага да се чувствувам поспремно за работа во оваа област. Покрај сериозноста на програмата, имаме и многу дружење, смеење, шеги и позитивна енергија. Дружењето и новите познанства остануваат засекогаш.

Заклучок

HR Bootcamp-от за Радмила е комбинација од практично знаење, поддршка, тимска работа и лично надградување. Програмата ѝ помага да добие поголема сигурност во HR областа, да го прошири своето знаење со реални и применливи вештини и да стекне поголема самодоверба во професионалното секојдневие.

Преку практичната работа, групните активности и меѓународниот сертификат, Радмила добива дополнителна мотивација за понатамошен професионален развој и нови можности во HR кариерата.