Зошто започнувањето кариера како UX/UI дизајнер е добра идеја?

Што е UX/UI?

UX или „корисничко искуство“  претставува процес на истражување, развивање и подобрување на сите аспекти на интеракцијата која што ја прави корисникот со одреден продукт со што ги задоволува неговите потреби. Неговата примарна цел е да го подобри самото корисничко искуство со продуктот, земајќи ги предвид чувствата и ставовите на личноста која ќе го користи тој дигитален продукт. UX дизајнерот e одговорен за: разбирање на потребите, анализа, истражување, структуирање, употребливост, тестирање,  креирање сценарија и прототипи.

А од друга страна, UI е кратенка за „кориснички интерфејс“. Дизајн на кориснички интерфејс претставува визуелен изглед на продуктот, каде што дизајнерите одлучуваат како визуелно ќе го креираат истиот за да се постигне ефективно корисничко искуство, фокусирајќи се на изгледот или стилот со користење на типографија, слики и други аспекти на визуелниот дизајн. Улогата на еден UI дизајнер е да креира привлечни и убави кориснички интерфејси кои што будат позитивни емоции кај самиот корисник. UI дизајнерот e одговорен за: дизајн на апликациите, веб дизајн, дизајн на икони, компоненти и брендинг. Добар UI дизајн помага да привлече што повеќе корисници.

Кој е дизајнер на UX/UI?

Зад секој успешен производ на кој мисли еден претприемач/компанија, постои тим од UX/UI дизајнери кои го создале изгледот на производот, како и чувствотото кое произлегува од истиот. Како UX/UI дизајнер, вашата работа е да се осигурате дека апликацијата што се креира е лесна за разбирање, лесна за употреба и е естетски пријатна.

Бидејќи статистиката покажува дека 88% од онлајн купувачите велат дека не би се вратиле на веб-страната откако имале лошо корисничко искуство, како резултат на тоа, многу компании – мали и големи, се фокусираат на добро дизајнирани кориснички искуства преку нивните веб-страни и апликации.

Причини за кариера во UX/UI

• Побарувачката на пазарот

Оваа индустрија е во брз развој и постојаните надградби и промени се предизвик што треба континуирано да се следат. Претприемачите полека ја сфаќаат потребата од квалификувани UX/UI дизајнери и бараат потенцијални дизајнери за да ги приспособат и изградат своите апликации според потребите на нивната целна публика.

Со дигитализацијата како движечки фактор,  фокусот на корисничкото искуство и корисничкиот интерфејс стана една од најзначајните работи, со што се зголеми и побарувачката за искусни UX/UI дизајнери од страна на компаниите. Ова е професија која има светла иднина. 

• Раст и можности

Ако знаете како да креирате добар UX/UI дизајн, можете да направите своја сопствена апликација или веб-страна за да ги реализирате вашите идеи. Кога имате простор да иновирате и да користите технологија, тоа што го креирате им создава задоволство на другите. 

Размислете за компании кои вредат милијарди долари – Instagram, TikTok, Facebook. Сите овие започнаа со една голема идеја, но ниту една од нив немаше да биде успешна без добро дизајнирана апликација и веб-страница. Всушност, основачите на компании како Airbnb и Google се самите дизајнери на UX/UI. 

•  Можете да работите како фриленсери

Економските последици од пандемијата и апсолутната неопходност да се работи од далечина, поттикна безброј организации да ги намалат општите трошоци и да заштедат драгоцено време и ресурси со целосно прифаќање на светот на виртуелното работење.

Ако изберете да бидете фриленсер, имате можност сами да си го организирате сопственото време и начинот на кој работите ќе зависи целосно од вас. Оваа професија е идеалниот избор доколку копнееш по слобода и сакаш да се сконцентрираш само на проекти кои те интересираат.

•   Иновативна и креативна професија

Со секоја нова технологија доаѓаат повеќе идеи и простор за креативност. Еден од најатрактивните и најуникатни аспекти на полето за UX дизајн е синергијата помеѓу креативноста и логиката. Во вашата кариера во дизајнот UX, ќе ја искористите вашата логична страна за да креирате практични решенија за потребите на корисниците. Сепак, практичноста не е доволна; решенијата, исто така, треба да бидат креативни и не само од аспект на естетиката, туку и од аспект на функционалност и употребливост.

Постојат многу индустрии на пазарот кои на UX дизајнерите им нудат можности да експериментираат и да иновираат.

•  Добро платена професија

Со оглед на тоа што UX/UI дизајнерите се многу барани, но вештините се дефицитарни, просечната плата на UX/UI дизајнерите продолжува да расте. Платите варираат во зависност од земјата, компанијата, нивото на искуство и други фактори. Во секој случај, и во други земји низ светот, просечната плата на UX/UI дизајнерите е значително над просечната плата на државата. 

Како и повеќето други индустрии, UX/UI индустријата препознава искуство со повисоки плати; така, како што напредувате во кариерата, можете да очекувате вашата плата да расте.

Уписите за следната група на курсот за UX/UI дизајн се во тек! Овој курс има задача да им овозможи на сите учесници да ги научат основите за дизајнирање апликации и веб-страни. Во текот на предавањата, учесниците ќе ги изучуваат правилата неопходни за успешен дизајн на UX/UI , но ќе добијат и совети за започнување кариера во оваа област. Затоа, ако си некој кому емпатијата му доаѓа природно и кој има желба да иновира и да биде креативeн, тогаш овој курс за UX/UI дизајн може да се покаже како идеална опција

за вас. Прочитај повеќе и пријави се  OВДЕ!