Студираше економија? Што треба да знаеш пред да влезеш во US trucking accounting

Завршуваш или веќе ја заврши економија, а сега прашањето е во која насока да одиш. Сметководството е една од природните опции, но и тука има многу правци. Еден од нив е US trucking accounting: сметководството на американски транспортни компании. Еве што треба да знаеш пред да одлучиш дали е за тебе.

Што веќе знаеш од факултетот

Повеќе отколку што мислиш. Дебит и кредит, начелото на настанување (accrual), побарувања и обврски, главна книга, биланси. Ова е основата на која се гради trucking сметководството. Во американската терминологија тоа се:

• AP (accounts payable): компанијата должи на добавувач, превозник или друг продавач;
• AR (accounts receivable): клиент или брокер ѝ должи на компанијата за услуга;
• GL (general ledger): главната книга, централниот запис што ги собира и класифицира сите финансиски промени.

Затоа твоето економско образование е добра основа за оваа специјализација. Не почнуваш од нула.

Што ќе ти биде ново

Индустријата

Како американска trucking компанија заработува, кои се страните во еден превоз (shipper, broker, carrier, owner-operator) и како оди еден товар од прифаќање до наплата. Ова не мора да го знаеш однапред. Подетално во текстот што е US trucking accounting.

Документите

Rate confirmation, BOL, POD, фактури за превоз, settlement statements. Ги нема во ниту еден учебник по сметководство кај нас, а без нив не се книжи ништо.

Системите

QuickBooks Online, TMS (системот во кој се водат товарите) и Excel.

Англискиот

Документите, термините и софтверот се на англиски. Не мора да зборуваш совршено, но треба удобно да читаш стручен текст. Ако некогаш дојде до разговор со американска компанија, и тој е на англиски.

Што не ти треба

Искуство во транспорт не ти треба, индустријата се учи од почеток. Работно искуство во сметководство исто така не е услов, основите од факултетот се доволни. Програмата сепак не е за некој што никогаш не учел сметководство. Американските даноци не ти требаат воопшто: тоа е посебна област и не е дел од програмата.

Како изгледа учењето

Програмата US Accounting за trucking компании во SMX има 24 лекции од по два часа, во текот на три месеци, и уште еден месец за проект. Учењето оди во пет чекори: го разбираш бизнисот и документите, вежбаш фактури, сметки од добавувачи, settlements и факторинг, усогласуваш трансакции со банка, AP, AR и главна книга, помагаш во месечното затворање и извештаите, и на крај сè применуваш во една интегрирана студија на случај.

Секоја лекција има ист ритам: 20 минути концепти, 25 минути демонстрација од инструкторот, 55 минути практична вежба, 15 минути преглед и исправка на грешки и 5 минути проверка на знаењето. Најдолгиот дел од лекцијата е практиката, со фиктивни товари и документи. За пример, погледни ја вежбата со еден товар од првата лекција.

Што добиваш на крајот

Финалниот проект од четвртиот месец е твоето портфолио: реалистичен случај што поминува низ проверка на товари, фактурирање, settlements, усогласување и извештај. Тоа е нешто конкретно што можеш да го покажеш, покрај дипломата.

SMX соработува со американска сметководствена компанија специјализирана за trucking клиенти. Компанијата добива информации за напредокот на групата. По програмата и проектот, со твоја согласност, ѝ ги испраќаме твоето CV и портфолио, а таа одлучува дали ќе те покани на разговор. Тоа е шанса за интервју, без гаранција за работа.

Да бидеме искрени и за ова: програмата те подготвува за почетни одговорности во trucking сметководството. Самостојната работа потоа зависи од праксата, од системите на компанијата и од надзорот што ќе го имаш на почеток.

Подготви се за US Accounting

Ако сакаш конкретна насока во која ќе го искористиш она што го студираше, погледни ја програмата на us-accounting.smx.mk. При пријавата те прашуваме и за нивото на англиски.