Најчесто поставувани прашања – (Летен курс) за видео-обработка со Premiere Pro со Владимир Андреевски
Доколку сакаш да се стекнеш со нова вештина или започнеш кариера со едитирање видеа, тогаш ова лето искористи ја можноста да присуствуваш на краткиот курс во SMX за Premiere Pro.
Денес, инструкторот на курсот Владимир Андреевски, ни ги одговори најчесто поставуваните прашања преку кои ќе добиеш дополнителни информации за курсот…
- Кое е твоето практично искуство со Premiere Pro?
Започнав со Premiere Pro пред 16 години во времето кога немаше туторијали и курсеви на Интернет и Јутјуб… па морав сам да учам, кое копче што прави, како се едитираат видеа, како се едитира аудио… итн. Кога ги совладав сите работи во врска со Video Editing, Premiere ми отвори многу врати. Најпврин почнав да работам во една од нашите телевизии, а откако се стекнав со искуство почнав да работам и во други компании како маркетинг агенции, студија за анамација, гејминг студија, итн.
- Што ќе се учи за време на курсот?
За време на курсот ќе ги поминеме сите побитни алатки за видео и аудио монтажа, ќе работиме на неколку различни стилови на видеа (кои што се многу популарни денес), ќе почнеме од нула и до крајот на курсот ќе можете самостојно да завршите проект од самиот почеток до финален продукт.
- Како ќе се одвива наставата и дали студентите ќе имаат можност преку практични примени да го совладаат материјалот?
Наставата ќе се одвива во 6 предавање кои што ќе траат по 90 минути. После секое предавање ќе имаме „домашна задача“ која студентите ќе треба да ја завршат. Откако ќе ја завршат домашната задача, ќе добијат фидбек, и дали има некои работи да се подобрат…итн. Секое предавање ќе биде различно т.е. на секое предавање ќе имаме различен стил на видео.
- Наведи 3 причини зошто некој треба да учи курс за Premiere Pro во SMX?
Во последните 10 години, video editing стана многу популарна и барана професија, а особено поради YouTube и сега TikTok. Креативна, интересна и забавна професија…Секој проект, секое видео е различно, и се разбира, добра платна професија.
- За кого е наменет овој курс? За почетници или и за оние кои имаат претходно познавање?
Овој курс е наменет за почетници кои што сакаат да станат видео едитори. Ќе започнеме со запознавање на Premiere Pro, а на крајот студентите ќе се стекнат со потребното знаење на еден комплетен видео едитор.
