Најинтересен дел од програмата ми беше практичниот сегмент. Бевме поделени во два тима кои требаше да организираат online retreat за 300 луѓе од целиот свет, кои работат во една ИТ компанија. Тоа ни овозможи да примениме различни методи и пристапи од програмата во симулација на реална ситуација – од планирање и улоги во тимот, до комуникација и координација.

Без двоумење советувам секој да се запише на Bootcamp-от. Одличните предавачи ни го пренесоа своето знаење, теоретски и практично, на начин прифатлив за сите студенти. За сите наши предизвици, во секое време ни помагаа успешно да ги надминеме.

Програмата беше одлична! Секоја тема ми беше интересна и корисна. Особено ми остави впечаток делот за SCRUM, каде што научив како тимовите можат ефективно да соработуваат преку јасно дефинирани улоги и фокусирани спринтови. Тоа ми помогна да разберам како изгледа вистинска работа во Agile средина. Многу ми значеше и запознавањето со принципите за планирање на проекти.

Да не се двоумат, да работат на себе, да си ја вратат вербата дека сè може да се научи, а за тоа најдобро ќе им помогне и покаже тимот од SMX.

Сè беше интересно, особено за некој што првпат се среќава со оваа тематика. Благодарение на Горан и Дарко, секој час беше корисен и добро структуриран. Но, ако треба да издвојам нешто, најмногу ме заинтересира делот за тимските улоги.

Да не чекаат и да не размислуваат премногу. Новото знаење секогаш е добредојдено. Без предрасуди кон себе, ова е одлично искуство кое носи не само нови вештини, туку и пријателства. Да веруваат во себе и во програмата, затоа што тимот е навистина посветен и ажурен кон сите кои имаат интерес.

Секогаш ми изгледало примамливо и динамично работењето на проекти, но ова ми беше прво подлабоко запознавање со темата. Досега немав практично искуство, па Bootcamp-от беше вистинска можност да научам како изгледа сето тоа во реалноста.

На сите што размислуваат да се запишат би им порачал, задолжително присуство на предавањата! Ќе научат многу корисни работи, а најмногу ќе добијат ако активно учествуваат и поставуваат прашања.