Student Experience – Борјана Атанасовска (HR Bootcamp)
HR не е само процеси и документи, туку разбирање на луѓето, ситуациите и динамиката во тимовите. Практичниот пристап на SMX HR Bootcamp ѝ овозможи на Борјана Атанасовска да стекне реални вештини за комуникација, стратешко планирање и правна рамка. Ова искуство покажува колку знаењето и човечката страна на HR одат рака под рака.
1. Накратко запознај не со тебе? Дали имаш претходно знаење во човечки ресурси?
Јас сум Борјана Атанасовска, со образование во областа на новинарството и односите со јавноста. Иако мојата формална едукација е во областа на комуникациите, оддамна имав интерес за човечките ресурси како динамична и интересна сфера, но никогаш не бев доволно храбра да направам транзиција во кариерата.
Верувам дека луѓето се најважниот ресурс во секоја организација и со вистинска мотивација и правилен пристап можат да бидат најголем двигател на успехот.
2. Зошто се одлучи да го унапредиш своето знаење во човечки ресурси?
Затоа што без континуирано надградување на знаењето, нема напредок. Јас сум личност која сака да учи и расте. Гледам на Човечките ресурси како на поле во кое можам да ги искористам моите комуникациски и аналитички вештини, но и постојано да учам нови практики. Со правилен избор на едукативен канал, надградувањето на знаењето е природен и неминовен процес.
3. Како дозна за SMX? Која беше главната мотивација за да го избереш SMX како едукативен центар?
Истражував различни можности и барав програма која ќе ми овозможи за пократок временски период да стекнам практични и применливи знаења во областа на Човечките ресурси. Претходно активно се едуцирав и учев самостојно, а SMX го избрав затоа што препознав структура, квалитет и можност да учам од докажани професионалци кои ја познаваат локалната и меѓународната пракса во Човечки ресурси.
4. Од обработените модули, Стратешки HR, Правен HR и Ефективна комуникација во HR, кој модул ти беше најинтересен и зошто?
Сите модули беа јасно структурирани и корисни, но најмногу ме привлече модулот „Ефективна комуникација во HR“. Комуникацијата е основа на секојдневното работење со луѓе, а преку овој модул научив како на практичен начин да ја надградам мојата вештина за јасно, транспарентно и емпатично пренесување информации во прилично динамични средини како денешните.
5. Дали можеш да ни издвоиш некој предизвик во моменталниот тек од Буткампот и како го надмина истиот?
Најголем предизвик ми беше да се вклопам во темпото – учење наспроти работа, приватен живот, дете, семејство. Секако, успеав во истото со правилно организирање на времето и големото разбирање од менторите кое го добивав постојано. Во однос на модулите, најголем предизвик ми беше делот со правната рамка, законите, регулативите кои се менуваат, предизвиците кои постојат но истото го надминав со постојана комуникација со менторите, кои секогаш беа подготвени да помогнат и да дадат насоки.
6. Како би го опишала твоето искуство на Bootcamp-от за човечки ресурси?
Квалитетно, интерактивно и многу практично искуство. Ми помогна да ги согледам моите слабости, но и да ги надградам моите силни страни. Научив како да ги препознаам вистинските предизвици во сферата на Човечки ресурси и да им пристапам на структуриран и професионален начин.
7. Која би била твојата порака до идните заинтересирани студенти за Bootcamp-от за Човечки ресурси во SMX?
Знаењето е највредниот капитал кој никој не може да ни го одземе. Вложувањето во знаење е вложување во сопствен раст и развој, а тоа секогаш ќе се исплати – како професионално, така и лично.
Приказната на Борјана покажува дека промената на кариера кон човечки ресурси е возможна и инспиративна, кога зад себе имаш структура, ментори и практична програма. HR Bootcamp-от ѝ помогна не само да ги надгради своите комуникациски и стратешки вештини, туку и да стекне сигурност за вистински чекори во новата професионална насока.
🚀 HR Bootcamp само што започна – последна шанса да се вклучиш во септемвриската група!
Пријави се овде 👉 https://smx.mk/live/hr-bootcamp-covecki-resursi/