Student Experience – Теодора Ѓорѓиевска – учесник на Product & Project Management Bootcamp

Нема коментари

Не секогаш мора да имаш искуство за да започнеш нова насока – понекогаш е доволна само вистинската мотивација.

Product & Project Management звучи комплексно, но многумина ја откриваат својата страст дури откако ќе се впуштат во темата. Теодора го направи овој чекор храбро, водена од внатрешна желба за раст и професионална трансформација. Ова е нејзината приказна, патување од сигурна основа кон нови хоризонти.

  1. Кратко запознај не со тебе. Дали претходно си имала интерес или искуство со менаџирање на проекти,продукти или ова ти беше прво запознавање со темата?

    Јас сум Теодора (25) и веќе 4 години работам во продажба. Немам претходно искуство со менаџирање на проекти или продукти, но имам огромен интерес за тоа. Ова беше моето прво запознавање со темата.

  2. Што те мотивираше да се запишеш токму на Bootcamp-от за Product & Project Management? Имаше ли некоја конкретна цел или ситуација што те поттикна?

    Мотивот да се запишам на Bootcamp-от за Product & Project Management беше преголемата желба за промена. Ми се допадна концептот, бидејќи веќе еднаш бев дел од некои ваши предавања. Сакав да се пренасочам кон Product & Project Management, читав многу пред да започнам, бев нерешителна, но имам одлични мотиватори околу мене кои веруваат во мене и знаат во што би можела да се пронајдам.

  3. Како дозна за SMX и зошто се реши токму за овој Bootcamp?

    За SMX дознав преку Инстаграм, Ве следам веќе подолго време и секоја ваша содржина ми беше привлечна. Само чекав вистински момент да се организирам и да ме „стигне“ желбата, па веднаш се приклучив.

  4. Кој дел од програмата ти беше најинтересен – учењето за SCRUM, тимските улоги или начинот на планирање проекти?

    Сè беше интересно, особено за некој што првпат се среќава со оваа тематика. Благодарение на Горан и Дарко, секој час беше корисен и добро структуриран. Но, ако треба да издвојам нешто, најмногу ме заинтересира делот за тимските улоги.

  5. Кој ти беше најголемиот предизвик за време на Bootcamp-от и како го надмина?

    Најголем предизвик ми беше самата промена и влегувањето во нова, непозната област. Но, го прифатив предизвикот, ги преслушував сите предавања, прашував, дури и кога грешев. Би рекла дека најдобро е да се впуштите во непознатото и да не се плашите да прашувате.

  6. Како планираш да го искористиш знаењето од Bootcamp-от во иднина – дали за лични проекти, фриленс, или нова кариера?

    Свесна сум дека треба уште многу труд и усовршување, но веќе сум на вистинскиот пат, ќе видиме каде ќе ме однесе.

  7. Што би им порачала на сите што размислуваат да се запишат на Bootcamp-от за Product & Project Management?

    Да не чекаат и да не размислуваат премногу. Новото знаење секогаш е добредојдено. Без предрасуди кон себе, ова е одлично искуство кое носи не само нови вештини, туку и пријателства. Да веруваат во себе и во програмата, затоа што тимот е навистина посветен и ажурен кон сите кои имаат интерес.

    Процесот не завршува со Bootcamp-от – туку токму тогаш почнува.
    Теодора веќе е на патот кон нешто ново, со алатки, логика и самодоверба што ќе ја водат понатаму.
    Истото може да биде и за тебе – без разлика дали бараш фриленс, нова улога или само појасна насока. Секоја одлука за учење е инвестиција во себе, а тоа е највредното нешто што можеш да го направиш.

     ✨ Погледни ја програмата и пријави се навреме https://smx.mk/live/product-project-management-bootcamp/