Запознај ги SmartClick – Ко-организатори на Академијата за Full-stack WordPress

Нема коментари

Сакаш да започнеш работа како програмер? Во моментов Full-stack WordPress девелопер е една од најплатените и најбараните работни позиции. Токму поради ова, заедно со тимот од SmartClick создадовме можност – Академија за Full-stack WordPress, каде ќе можеш да учиш програмирање од експерт со долгогодишно искуство, а најдобриот учесник ќе добие и работна прилика (вработување) во SmartClick.

Во денешниот блог пост те запознаваме со SmartClick и талентираните луѓе кои стојат позади оваа компанија во која токму ти можеш да бидеш дел!

1. Кои се SmartClick?

SmartClick е компанија специјализирана да им помага на клиентите да ја зголемат продажбата х2, х5, х10 во рок од една година, онлајн –  а сето ова го правиме со изработка на custom made веб страници кои се оптимизирани за постигнување на високи рангирања на Гугл со цел клиентите да добиваат голем број квалификувани посети.  

Ние сме тим од 10 луѓе, експерти во областите кои ги работиме: Web Development, SEO и Content. Бидејќи нашиот тим е мал, а нудиме висок квалитет, Smartclick работи со помал број на клиенти се со цел да се одржи квалитет на работа и да може да испорача резултати со кои што на клиентите ќе им се зголеми продажбата. Работиме со компании од цел свет – UK, USA, Holland, Denmark, Australia итн. и на секој проект му пристапуваме на уникатен начин a до сега имаме завршено повеќе од 150 проекти. 

2. Зошто се одлучивте заедно со SMX да направите Академија за Full-Stack WordPress во Струмица?

Како главен фактор е нашата досегашна соработка и довербата што ја имаме стекнато меѓусебно. Како второ нешто е целта на двете компании да дадат шанса на луѓе од Струмица кои се амбициозни и имаат желба да продолжат да се развиват и работат во родниот град. И трето, SMX ја има инфраструктурата за организирање на академија, Smartclick го има знаењето, и се тоа заедно има многу поголем бенефит за сите.

3. Што ќе се учи на Академијата? Зошто WordPress е важна алатка за да биде поставена како главна тема на Академијата?

На академијата ќе учиме: 

  • Git – алатка потребна за да имаме контрола на верзии од проектите кои што ќе се работат и помага многу во колаборацијата меѓу тимови, а во нашата ситуација и со инструкторот. 
  • HTML / CSS – јазици потребни за изработка на статични страни кои се основа за се што моментално гледате на веб
  • SCSS / Bootstrap – frameworks за подобра организација на кодот
  • Javascript / PHP – јазици кои се основа на WordPress платформата
  • WordPress – најчесто позната како платформа за изработка на брзи и ефтини сајтови, но во позадина постојат многу работи 

4. Како ќе се одвива наставата и колку време ќе трае Академијата?

Целта е наставата да се одвива во просториите на SMX, но во зависност од тоа од каде ќе бидат пријавените (се мисли на локација), отворени сме да направиме и хибридна академија. Академијата ќе трае околу 6-7 месеци во зависност од потребите на студентите со цел да го совладаат материјалот.

5. Никола е инструктор на Академијата, запознајте не накратко со него и што тој ќе предава на Академијата?

Никола е специјалист за изработка на веб страници во WordPress и во SmartClick е од самиот почеток т.е. 5 години, па затоа ја има и целосната доверба да ја организира и води оваа академија. Ги има поминато сите фази како програмер пред да стане специјалист во WordPress. Тој ќе ги предава модулите за HTML, CSS,SCSS,JS,jQuery, PHP, WordPress и GIT.

6. Која е иднината на најуспешниот студент од Академијата? Што понатаму?

Студентот кој што ќе се покаже како најдобар, ќе покаже желба за развивање и во иднина, ќе има прилика да се вработи во SmartClick и дополнително компанијата ќе му ја финансира половина од инвестицијата за Академијата. Понатаму ќе има прилика да работи во тим специјализиран за WordPress и да продолжи со учење и градење како WordPress Full Stack девелопер. 

7. Зошто младите таленти од Струмица и околината треба да бидат дел од оваа Академија?

До сега ваква специјализирана академија не е организирана во Струмица, па младите ќе имаат шанса во живо да присуствуваат на академија што може да биде клучна во нивната кариера во иднина, и да ги постават основите во нивното знаење.

Уписите за Академијата се сеуште во тек! Побрзај и искористи дополнителен 10% попуст до 10 Јануари! Аплицирај тука.